Ish-ministri i Jashtëm, Ditmir Bushati iu është bashkuar reagimeve për masakrën e Reçakut, ku 45 shqiptarë u vranë nga forcat serbe. Bushati shkruan se kur kanë kaluar 21 vite nga masakra, Beogradi refuzon të mbajë përgjegjësinë mbi masakrën duke e mohuar dhe se drejtësia e munguar peshon mbi familjarët e martirëve.

“Një çerek shekulli më parë, me 15 janar 1999, në Reçak 45 shqiptarë civil të pambrojtur u masakruan nga forcat serbe. Sot e kësaj dite, Serbia refuzon përgjegjësitë mbi këtë masakër dhe madje e mohon atë.

Mirëpo masakra e Reçakut tronditi mbarë botën demokratike, duke e bërë të pashmangshme ndërhyrjen ushtarake të NATO-s dhe ndalimin e agresionit të Serbisë në Kosovë.

Drejtësia e munguar peshon mbi familjarët e martirëve, plagët e së kaluarës, dhe nuk ndihmon në procesin e kërkimfaljes e pajtimit ndëretnik. Teksa nderojmë dhe kujtojmë ata që humbën jetën, le të mos harrojmë krimet që kanë ndodhur, në rast se nuk duam që historia të përsëritet.”, shkruan Bushati.