17 prilli njihet si Dita Botërore e Hemofilisë, që në terma shkencor njihet si çrregullim i koagulimit, ose e thënë në gjuhën popullore, mpiksje të gjakut.

Ajo cilësohet si një sëmundje e rrallë. 1 në 10 mijë persona lindin me Hemofilinë A dhe 1 në 50 mijë me Hemofilinë B.

Mjekja Adela Perolla tregon se kjo sëmundje është e trashëgueshme dhe në disa raste mund të shkojë për fat të keq deri në fatalitet.

“Hemofilia është një sëmundje gjaku e trashëgueshme e lidhur me kromozomin X. Kemi të bëjmë me mungesë të faktorit 8 dhe 9 te këta pacientë.

Tendenca për hemorragjitë mund të dërgojë deri në rrezikun për jetën te këta pacientë, e rëndësishme është që të merret faktori që mungon”, tha mjekja.

Hemofilia prek më së tepërmi meshkujt se sa femrat, ndërsa një shpjegim për këtë e tregon mjekja Perolla.

Duke qenë një sëmundje që ka të bëjë me një mutacion gjenetik, që lidhet me kromozomin X, ajo është më e përhapur te femrat se sa te meshkujt. Mesazhi i rëndësishëm është që të avokojnë më tepër për të drejtat e tyre, të arrijmë synimin për trajtimin në shtëpi, kjo është sfida”, theksoi Perolla.

Personat e prekur me hemofili sipas ekspertëve duhet të tregojnë kujdes të shtuar në trajtimin e sëmundjes, ndërsa janë të kushtëzuar të heqin dorë nga disa sporte aktive, si futbolli, volejbolli, alpinizmi e të tjera.