Një organizatë humanitare në Siri ka bërë thirrje për ndihmë urgjente nga komuniteti ndërkombëtar. Duke folur në emisionin This Morning të CNN, Rahaf Aboud, kreu i komunikimit në Gjysmëhënën e Kuqe Arabe Siriane, bëri thirrje për “mbështetje të Bashkimit Evropian, Kombeve të Bashkuara dhe komunitetit ndërkombëtar në përgjigje të tërmetit shkatërrues që ndodhi në Siri.”

Aboud kërkoi që këto organizata “të ofrojnë burimet dhe mbështetjen e nevojshme, duke përfshirë strehimin, ushqimin, kujdesin mjekësor dhe furnizime të tjera thelbësore”. “Ne shpresojmë që OKB-ja do t’i përgjigjet kësaj thirrjeje për mbështetje për të lehtësuar vuajtjet e atyre që janë prekur nga ky tërmet përmes ndërhyrjes ndërlidhëse,” tha Aboud nga Damasku.

Këtë mëngjes, vullnetarë nga Gjysmëhëna e Kuqe Arabe Siriane janë vendosur në zonat e prekura në Hama, Aleppo dhe Lattakia, duke iu përgjigjur njerëzve të bllokuar në ndërtesat që u shembën si pasojë e tërmetit.

(BalkanWeb)