Mbretëresha 88-vjeçare e Norvegjisë, Sonja, u shtrua në spital të mërkurën për shkak të problemeve me zemrën, njoftoi pallati norvegjez.

Të dielën u njoftua se ajo ishte në pushim mjekësor dhe sot u shtrua në Spitalin Universitar të Oslos, ku do të qëndrojë “për disa ditë” nën vëzhgim mjekësor, sipas një deklarate të pallatit.

Mediat norvegjeze raportuan se Mbreti Harald V, 89 vjeç, është në një turne në pjesën perëndimore të vendit, duke shtuar se përveç rrethanave të paparashikuara ai pritet të përfundojë programin e tij.

Në janar 2025, Mbretëresha Sonja u shtrua në spital për shkak të fibrilacionit atrial dhe iu nënshtrua një operacioni për të vendosur një stimulues kardiak.