Mbreti Charles III dhe Mbretëresha Camilla udhëtuan për në Kanada në një vizitë që shihet gjerësisht si një shfaqje mbështetjeje përballë kërcënimeve të aneksimit nga Presidenti i SHBA-së Donald Trump.

Mbreti Charles III tha se Kanadaja po përballet me sfida të papara në një botë që nuk ka qenë kurrë më e rrezikshme, ndërsa mbajti Fjalimin e Fronit që hap Parlamentin Kanadez në Ottawa.

Kërcënimet e përsëritura të Trump se SHBA-të do të aneksonin Kanadanë dhe do ta shpallnin atë shtetin e 51-të, e shtynë kryeministrin Mark Carney ta ftonte mbretin të mbante fjalimin nga froni, duke përshkruar prioritetet e qeverisë së tij për seancën e re të Parlamentit.

Mbreti është kreu i shtetit në Kanada, e cila është anëtare e Komonuelthit.

“Duhet të përballemi me realitetin: që nga Lufta e Dytë Botërore, bota jonë nuk ka qenë kurrë më e rrezikshme dhe e paqëndrueshme. Kanadaja po përballet me sfida që, në jetën tonë, janë të pashembullta”, tha Charles, duke folur në frëngjisht.

(BalkanWeb)