Policia e vendit fqinj ka sekuestruar mbi 86 kg marijuanë në kufirin greko-shqiptar. Droga u kap në Igumenicë ku u ndalua një mjet që vinte nga kufiri.

Është kryer kontroll i imtësishëm me ndihmën e qenit anti-drogë dhe poshtë sedileve dhe në portat e mjetit u gjetën të fshehura 84 pako me 86 kg 230 gram marijuanë.

Në pranga ka përfunduar drejtuesi i mjetit, Olibion Lena, 34 vjec, nga Lushnja. Lena rezulton i kërkuar në Greqi, i dënuar me 7 muaj burg dhe 3000 euro gjobë në Patër për falsifikim dokumentesh.

(m.k/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: