Më shumë se 300 fluturime u vonuan në Aeroportin Ndërkombëtar Indira Gandhi pasi një rrebesh i fuqishëm musonesh goditi Nju Delhin, sipas Flightradar24, një faqe interneti për ndjekjen e fluturimeve drejtpërdrejt.

Vonesa në kohën e nisjes ishte mesatarisht rreth një orë. Fluturimi Delhi-Moskë i linjës ajrore ruse Aeroflot u nis 57 minuta më vonë, sipas Flightradar. Rreth dhjetë aeroplanë ndryshuan destinacionin e tyre dhe u ridrejtuan për t’u ulur në qytetet e Jaipur dhe Lucknow.

Rreshjet tropikale me erëra të forta filluan në New Delhi mbrëmjen e 9 korrikut dhe vazhduan pas mesnatës. Reshjet shkaktuan përmbytje në shumë zona të qytetit.

Departamenti Meteorologjik i Indisë ka lëshuar paralajmërime alarmi portokalli dhe të kuq në kryeqytet dhe kushtet e pafavorshme të motit vazhdojnë. Parashikuesit e motit parashikojnë shira të rrëmbyeshëm gjatë ditës së nesërme.