“Italia bën thirrje për një ndarje të qartë të përgjegjësive të regjimit iranian nga fati i miliona qytetarëve. Popullsia civile e Iranit nuk duhet dhe nuk mund të paguajë çmimin për përgjegjësitë e sundimtarëve të saj”, thuhet në deklaratën e qeverisë në Romë.

“Qeveria italiane ndan atë që është nënvizuar tashmë nga institucionet kompetente të Bashkimit Evropian në lidhje me nevojën për të mbrojtur objektet civile, si dhe integritetin e popullit iranian, dhe shpreson që kriza të zgjidhet shpejt përmes negociatave”, vazhdon teksti.

Qeveria italiane nënvizon gjithashtu se vazhdon të dënojë sjelljen destabilizuese të Teheranit, duke iu referuar sulmeve hakmarrëse me raketa kundër vendeve të Gjirit, serisë së kërcënimeve ndaj lundrimit në Ngushticën e Hormuzit dhe shtypjes së dhunshme të popullit iranian.