Ministri i Jashtëm i Iranit, Abbas Araghchi, akuzoi Shtetet e Bashkuara për fundosjen e një fregate iraniane pranë Sri Lanka, një incident që sipas tij ka shkaktuar vdekjen e 87 marinarëve iranianë.

Në një postim në platformën Twitter të enjten në mëngjes, Araghchi deklaroi se anija luftarake iraniane IRIS Dena u godit nga një nëndetëse amerikane në ujërat ndërkombëtare, rreth 2,000 milje larg brigjeve të Iranit.

“SHBA-të kryen një mizori në det. Fregata ‘Dena’, një mysafire e Marina Indiane me gati 130 marinarë në bord, u godit pa paralajmërim”, shkroi ai.

Kryediplomati iranian paralajmëroi gjithashtu për pasoja, duke theksuar: “Mbani mend fjalët e mia: Shtetet e Bashkuara do të pendohen thellë për precedentin që kanë vendosur”.