5% të të gjitha femrave janë prekur nga infek sionet mykotike vaginale të paktën një herë në jetën e tyre dhe një në dy prej tyre ka pasur më shumë se një episod. Myku vaginal shpesh shkaktohet nga përhapja e kërpudhave. Më e zakonshmja është candida albicans, e cila gjendet normalisht, por në sasi të vogla në vaginë dhe në traktin gastrointestinal, dhe në rastin e infeksioneve vaginale përhapet (sidomos kur sistemi imunitar është i ulët), duke ndryshuar ekuilibrin normal të zonës intime.

Shkaqet
Myku transmetohet shpesh gjatë kontakteve seksuale, por edhe jashtë këtyre situatave; një grua, edhe e virgjër madje, mund të preket nga infeksione të tilla. Faktorët e riskut që çojnë në shfaqjen e një infeksioni të tillë fungal janë: irritimi, ose shpërbërja e mykozës vaginale, përdorimi i sapunëve dhe larësve shumë agresivë, veshja e të brendshmeve sintetike, ose shumë të ngushta, përdorimi i servietave higjienike, të cilat shkaktojnë thatësi vaginale, ulje e sistemit imunitar për shkak të një sëmundjeje, ndryshime hormonale për shkak të shtatzënisë ose ciklit menstrual, higjienë jo e duhur lokale, ose anasjelltas, higjienë e tepërt lokale, përdorimi i shpeshtë i antibiotikëve, irritimi për shkak të marrëdhënieve seksuale të shpeshta, infeksionet seksualisht të transmetueshme, përdorimi i spiraleve, ose disa kontraceptivëve oralë, stresi dhe mosha, etj. Gratë e moshuara janë më të prirura për infeksione të tilla.

Simptomat
Simptomat e infeksioneve mykotike vaginale janë: kruarja, irritimi dhe djegia vaginale. Vulva shpesh është e përfshirë nga inflamacioni dhe ka një pamje të kuqërremtë e të shndritshme. Gjatë urinimit dhe kontakteve seksuale ndjeni dhimbje dhe sekrecione vaginale të bardha e të trasha. Simptomat e sipërpërmendura mund të shkaktohen edhe nga alergjia dhe herpesi vaginal. Këshillohet të konsultoheni me mjekun për të përcaktuar diagnozën e saktë.

Trajtimi
Trajtimi bazohet në një kurim monodozë, i përbërë prej ovulash (suposto) vaginale, të cilat vendosen në mbrëmje. Mund të përshkruhen edhe kremra, ose locione për aplikim lokal, ose trajtim oral, i këshilluar shpesh. Kini parasysh të parandaloni edhe faktorët e rrezikut. Pastroni shpesh zonat më të riskuara nga infeksionet, si gishtat, gojën, gjuhën, etj. Gjithashtu, paralajmëroni partnerin, pasi ndoshta ka nevojë për një trajtim ose kontroll më të kujdesshëm.

(BalkanWeb)