Rusia ka reaguar në lidhje me stërvitjet e planifikuara të NATO-s pranë kufirit të saj me Finlandën, duke paralajmëruar se ato rrisin rrezikun e “incidenteve të mundshme ushtarake”.

Zëdhënësja e Ministrisë së Jashtme ruse, Maria Zakharova, i tha agjencisë shtetërore të lajmeve RIA se stërvitjet janë “provokative”.

“Stërvitjet ushtarake të NATO-s pranë kufijve rusë janë provokuese. Detyra e tyre është të ushtrojnë presion ushtarak mbi Federatën Ruse përmes demonstrimit të forcës. Stërvitjet… rrisin rreziqet e incidenteve të mundshme ushtarake”, tha ajo.

Finlanda u bashkua zyrtarisht me NATO-n në fillim të këtij muaji, pothuajse dy vjet pas aplikimit në vazhdën e pushtimit rus të Ukrainës.

Ajo ndan një kufi prej 1,340 km (832 milje) me Rusinë, kështu që pranimi i saj në NATO dyfishon kurin e Aleancës me Rusinë.