Nëse ka një skuadër që po dominon sezonin e rregullt në NBA këtë vit, ajo është padyshim Cleveland Cavaljers.

Skuadra e Cleveland korri të martën në mbrëmje fitoren e 55-të sezonale në NBA, duke mundur 109-104 Brooklyn dhe duke udhëhequr në këtë mënyrë renditjen. Ndeshje e dueluar deri në fund, ku për Cavaliers u dallua Darius Garland, autor i 30 pikëve.

Në sekondat e fundit humbet skuadra e Milwaukee, që u mund 115-114 nga Indiana jashtë fushe. 7 lojtarë të Indiana realizuan mbi 10 pikë, ku mbi të gjithë shkëlqeu Pascal Siakam me 25 pikë e 12 rebound.

Zhgënjejnë Clippers, që u mundën 127-120 nga New Orleans, sfidë ku tri lojtarë të ekipit vendës realizuan mbi 20 pikë.

Në fushën e tij fiton Detroit, 123-103 ndaj Washington, ku protagonist ishte Cade Cunningham me 27 pikë e 10 asist.