Të tjera sfida interesante u zhvilluan të hënën në mbrëmje në NBA, teksa vëmendja kryesore ishte e përqëndruar në superduelin mes Oklahomas dhe Cleveland. Kampionët e Oklahoma vazhdojnë të dominojnë në NBA, duke fituar 136-104 ndaj Cleveland jashtë fushe. Shai me 30 pikë e Holmgren me 28 pikë u dalluan për miqtë.
Jashtë fushe fiton edhe Milwaukee, që në sekondat e fundit mundi 112-110 Atlanta, me Antetokounmpo që realizoi 21 pikë e 17 rebound. Fitore në “frymën e fundit” korri edhe Detroit, që mundi 104-103 Boston, dy skuadra rivale për titull në Lindje. Harris realizoi 25 pikë e Pistons, duke i bërë të pavlefshme 32 pikët e Brown për miqtë.
Dallas, falë 26 pikëve të Max Christie, mundi 114-97 New York. Pa probleme fiton Golden State, që falë 66 pikëve të ardhura nga lojtarët e stolit mundi 135- 112 Miami.
San Antonio bën detyrën ndaj Utah Jazz, duke fituar 123-110, sfidë ku u dallua Wembanyama me 33 pikë e 10 rebound. Ekipi i Phoenix mundi 126-117 Brooklyn, me Brroks që realizoi 27 pikë.
