Pasi mposhti kampionët e Oklahoma City Thunder, ekipi i San Antonio Spurs vijon serinë e rezultateve pozitive, teksa mbrëmjen e së enjtes fitoi  135-123 edhe ndaj Dallas në derbin teksan. Ndeshje spektakolare deri në fund, ku për Spurs 7 lojtarë realizuan mbi 10 pikë. Zhgënjen Chicago, që u mund 123-107 nga Toronto (Ingram me 33 pikë shënuesi më i mirë).

Fitorja e dytë radhazi për Lakers, që fituan 119-115 ndaj Philadelphia në një përballje të ekuilibruar. Austin Reaves, që e nisi ndeshjen nga stoli, realizoi 35 pikë. Jashtë fushe fiton Charlotte, që falë 24 pikëve të Knueppel, mundi 109-99 Houston.

Fitore e rëndësishme për Golden State, që triumfoi 101-97 në fushën e Phoenix. Pat Spencer me 20 pikë ishte shënuesi më i mirë. Zhgënjen skuadra e Detroit, që u mund 126-117 nga Washington (8 lojtarë realizuan mbi 10 pikë për miqtë).