Presidenti i Republikës Ilir Meta ka reaguar për ndarjen nga jeta të aktores së njohur, artistes të merituar Marika Kallamata.

Meta shkruan se ndarja e Kallamatës nga jeta është humbje e pazëvendësueshme për teatrin dhe kinematografinë shqiptare.

Postimi i Ilir Metës:

Ndarja nga jeta e artistes së shquar dhe të dashur Marika Kallamata, është një humbje e pazëvendësueshme për teatrin dhe kinematografinë shqiptare!

Trashëgimia e pasur artistike, galeria e roleve të interpretuara me mjeshtëri të rrallë dhe të gjitha kujtimet që na la pas, nderohen me respekt dhe do të mbahen mend gjithmonë.

Duke ndarë dhimbjen, u përcjell ngushëllimet më të sinqerta të afërmve dhe bashkëpunëtorëve të saj, si edhe të gjithë artdashësve shqiptarë!

(d.xh/ Balkanweb)