Kryetari i Partisë Demokristiane Nard Ndoka ka reaguar ndaj sulmit që po i bëhet nga policia grupit mediatik News 24, Gazeta Panorama dhe BalkanWeb duke e cilësuar këtë si një akt të hapur dhune shtetërore ndaj fjalës së lirë.
Ndoka shkruan në një deklaratë për mediat se nuk është rasti i parë, është një seri e turpshme sulmesh të përsëritura ndaj të njëjtit grup mediatik: shembja e hotelit të tyre në bregdet me urdhër personal të Kryeministrit, gjoba arbitrare nga kamikazët politik, presion e shantazh i hapur ndaj pronarit Irfan Hysenbelliu, dhe tani mbyllja e sinjalit televiziv me forcat e policisë.
Pse ky obsesion i Ramës për ta shënjestruar këtë media?
Frikë nga e vërteta?
Panik nga zëri më i fuqishëm informativ në vend? Apo është thjesht prirja e tij për të përdorur dhunën verbale e institucionale ndaj kujtdo që nuk i bindet?
Kur media kërcënohet hapur, nuk rrezikohen vetëm gazetarët, por rrezikohet liria, ligji dhe vetë Kushtetuta.
Ky është një alarm kombëtar”, thuhet në deklaratën e kreut të PDK Nard Ndoka.
DEKLARATA E PLOTË
Kur pushteti rreh median, rreh zemrën e demokracisë!
Ndërhyrja e sotme e policisë në ambientet e Neës 24, Gazeta Panorama dhe BalkanËeb është një akt i hapur dhune shtetërore ndaj fjalës së lirë.
Nuk është rasti i parë, është një seri e turpshme sulmesh të përsëritura ndaj të njëjtit grup mediatik: shembja e hotelit të tyre në bregdet me urdhër personal të Kryeministrit, gjoba arbitrare nga kamikazët politik, presion e shantazh i hapur ndaj pronarit Irfan Hysenbelliu, dhe tani mbyllja e sinjalit televiziv me forcat e policisë.
Pse ky obsesion i Ramës për ta shënjestruar këtë media?
Frikë nga e vërteta?
Panik nga zëri më i fuqishëm informativ në vend? Apo është thjesht prirja e tij për të përdorur dhunën verbale e institucionale ndaj kujtdo që nuk i bindet?
Kujdes!
Kur media kërcënohet hapur, nuk rrezikohen vetëm gazetarët, por rrezikohet liria, ligji dhe vetë Kushtetuta.
Ky është një alarm kombëtar
Ftojmë Presidentin e Republikës, Kuvendin, gjyqësorin dhe institucionet ndërkombëtare të reagojnë menjëherë për të ndalur këtë precedent të rrezikshëm që po e shndërron Shqipërinë në një skenë të pushtetit totalitar.
“Liria e shtypit është oksigjeni i demokracisë; kur pushteti ia zë frymën medias, vendi nis të mbytet.”
– Nard Ndoka –
Partia Demokristiane e Shqipërisë
