NATO ka realizuar një dokumentar rreth misionit të saj gjatë 75 viteve të ekzistencë, që nga krijimi në 1949.

Dokumentari prek momentet që përcaktojnë Organizatën sot, përmes fjalëve dhe eksperiencave  personale të personazheve që kanë parë këto momente kryesore.

Dokumentari përfshinë disa nga momentet kyçe të intervenimit të NATO-s, duke filluar me Luftën e Ftohtë kur NATO pengoi Bashkimin Sovjetik që të sulmonte Evropën Perëndimore.

Më tej, përmendet sesi në vitet 1990, NATO ndihmoi për t’i dhënë fund konflikteve etnike në Ballkanin Perëndimor, përfshirë këtu edhe luftën në Kosovë.

“Intervenimi i NATO-s i dha fund konfliktit”, thuhet në dokumentarin e NATO-s.