TIRANE

Është vetëdorëzuar në policinë e Tiranës Ajaks Boshnjaku, një nga të shpallurit në kërkim për ngjarjen në ish Bllok ku mbeti i vrarë një person dhe dy të tjerë u plagosën në 4 tetor të këtij viti.

Gazetarja Dorjana Bezat raporton për “BalkanWeb” se Ajaks Boshnjaku është vetëdorëzuar mbrëmjen e sotme në Drejtorine e Policisë së Tiranës i shoqëruar nga avokatja e tij.

Ajaks Boshnjaku rezulton se ka pasur lidhje miqësore me Ervin Matën, partneri i këngëtares së njohur Elvana Gjata.

Boshnjaku

Nga hetimet rezulton se ai ka qenë i pranishëm në lokal në momentin kur komandoja Meviol Bilo iu kundërpërgjigj sulmit me armë nga Fabian Gaxha, duke lënë të vrarë këtë të fundit dhe duke plagosur Ervis Martinajn e Elio (Esmerald) Hato. Boshnjaku pritet të dalë para trupit gjykues për masën e sigurisë në ditët në vijim.

Në lidhje me ngjarjen janë arrestuar Ervis Martinaj dhe Elio Hato, ndërsa janë shapllur në kërkim nga policia Ervin Mata dhe miqtë e tij, Ajaks Boshnjaku, Fabio Allushi dhe komando Meviol Bilo, që dyshohet të jetë dhe autor i vrasjes së Fabian Gaxhës.

(d.d/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb