Nedim Bajrami ka dhënë mesazhin e tij të parë si futbollist i Shqipërisë.

Nga sot ai ka të drejtën për të qenë kuqezi pasi FSHF fitoi gjyqin në CAS pasi organet ndërkombëtare nuk jepnin lejen pasi pretendonin se Bajrami kishte luajtur me moshat e Zvicrës.

Bajrami thotë se sot i është realizuar ëndrra e tij, familjes dhe gjushërve. 22-vjeçari me origjinë nga Tetova betohet se do të japë shpirtin e zemrën në fushë për fanellën që bën krenar gjithë shqiptarët.

Sulmuesi i cili aktivizohet me Empolin në Itali mund të debutojë që në transfertën ndaj Polonisë.

MESAZHI NGA NEDIM BAJRAMI

Më në fund, ëndrra ime, ëndrra e familjes time, ëndrra e gjyshërve të mi u bë realitet. Unë do të përfaqësoj fanellën kuqezi dhe Kombin shqiptar

Jam shumë i gëzuar dhe dua të falenderoj pafundësisht nga thellësia e zemrës, me mijëra tifozë kuqezinj kudo nëpër botë që më kanë shkruar dhe telefonuar.

Një falenderim i veçantë shkon për @fshforg që i’a doli në këtë betejë të ndërlikuar. Nga sot, përbetohem që do të jap shpirtin dhe zemrën në fushë për atë fanellë, që është krenaria e të gjithë shqiptarëve!

 

View this post on Instagram

 

A post shared by Nedim Bajrami (@bajraminedim11)

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb