Kabineti i sigurisë i Izraelit diskutoi mbrëmë masat për forcimin e vendbanimeve në Bregun Perëndimor. Këtë e kanë raportuar mediat lokale.

Zyra e kryeministrit Benjamin Netanyahu specifikon se masat janë pjesërisht një përgjigje ndaj njohjes së fundit të një shteti palestinez nga disa vende dhe një reagim ndaj “lëvizjeve armiqësore” të Autoritetit Kombëtar Palestinez (PA) kundër Izraelit “në planin ndërkombëtar”.

Ministri izraelit i Mbrojtjes Yoav Gallant dhe Prokurori i Përgjithshëm Gali Baharav-Miara kërkuan kohë për të diskutuar më tej disa nga propozimet në ditët në vijim.

Netanyahu urdhëroi që të gjitha propozimet të hidhen në votim në mbledhjen e ardhshme të kabinetit të plotë.
(BalkanWeb)