Teksa ka kaluar një javë nga nisja e sulmeve amerikao-izraelite në Iran, kryeministri britanik Kier Starmer ka biseduar së fundmi me presidentin turk Recep Tayyip Erdogan dhe Princin e Kurorës së Arabisë Saudite, Mohammed bin Salman.

Raportohet se Erdogan i tha Starmer se mund të bëhet më shumë për dialogun mbi Iranin

Ai i tha kryeministrit britanik se ka ende gjëra që mund të bëhen për të ndërtuar një bazë për dialog dhe se “përpjekjet e Turqisë të përqendruara në paqe” janë duke vazhduar, sipas një deklarate nga presidenca turke.

Erdogan tha se Turqia po monitoronte luftën që filloi me sulmet ndaj Iranit dhe se hakmarrjet e zgjatura mund të shkaktojnë dëme të mëdha në stabilitetin rajonal dhe global, shtoi deklarata.

Sakaq, në bisedën me Princin e Kurorës së Arabisë Saudite, Starmer u shpreh se Mbretëria e Bashkuar ishte e gatshme të mbështeste vendin arab në rast se do të nevojitej.

“Avionë luftarakë britanikë shtesë, helikopterë dhe një shkatërrues po dërgoheshin në rajon, dhe Mbretëria e Bashkuar ishte e gatshme të mbështeste mbrojtjen e Mbretërisë së Arabisë Saudite nëse do të ishte e nevojshme”, i tha Starmer bin Salman.

Të dy udhëheqësit diskutuan gjithashtu bashkëpunim më të madh në inteligjencë në mbështetje të operacioneve mbrojtëse dhe civilëve.