Dy fëmijë, të moshës 6 dhe 3 vjeç, kanë ndërruar jetë nga helmimi nga ushqimi në një zonë turistike të Stambollit, ndërsa prindërit e tyre po trajtohen në kujdes intensiv, njoftuan mediat dhe autoritetet shëndetësore turke.

Drejtori provincial i Shëndetësisë në Stamboll, Dr. Abdullah Emre Guner, tha se familja, e cila ishte me origjinë nga Gjermania, u shtrua në spital për “helmim të dyshuar nga ushqimi”. Autoritetet kanë nisur një hetim për ngjarjen.

Sipas mediave lokale dhe një hetimi policor, helmimi mund të ketë ardhur nga midhjet e blera nga një shitës ambulant dhe nga patatet e mbushura, një ushqim popullor rrugor, të cilat familja i konsumoi në zonën turistike të Ortakoy, në anën evropiane të Bosforit.