Në përgjigje të një propozimi të Shtëpisë së Bardhë për t’i dhënë fund luftës në Ukrainë, udhëheqja ukrainase ka zhvilluar një kundërofertë që në një farë mënyre bie në kundërshtim me kërkesat e Trumpit, por gjithashtu lë hapësirë për kompromise të mundshme për çështje që janë dukur prej kohësh të pazgjidhshme.
Sipas planit, të marrë nga The New York Times, nuk do të ketë kufizime në madhësinë e ushtrisë së Kievit, një “kontigjent sigurie evropian” i mbështetur nga SHBA do të vendoset në territorin ukrainas për të garantuar sigurinë dhe asetet e ngrira ruse do të përdoren për të riparuar dëmet e luftës në Ukrainë.
Këto tre dispozita mund të jenë të pazbatueshme për Kremlinin, por disa pjesë të planit ukrainas – sipas NYT – sugjerojnë një kërkim për gjuhën e përbashkët.
Nuk përmendet, për shembull, ripushtimi i plotë nga Ukraina i të gjithë territorit të pushtuar nga Rusia apo këmbëngulja e Kievit për anëtarësimin në NATO, dy çështje që presidenti ukrainas Volodymyr Zelensky i ka shpallur prej kohësh të panegociueshme.
(BalkanWeb)
