Nicki Minaj i kërkoi falje fansave që u mblodhën jashtë hotelit të saj në Mançester gjatë fundjavës pasi u detyrua të shtynte një koncert për shkak të arrestimit të saj në Amsterdam.

“Ju dua dhe më vjen keq që kjo ndodhi sonte”, tha reperja para një grupi fansash, siç shihet në një video të postuar në internet. Reperja 41-vjeçare ishte planifikuar të performonte në Co-op Live Arena të Mançesterit të shtunën mbrëma, si pjesë e turneut të saj ‘Pink Friday 2’. Megjithatë, ajo u detyrua të shtyjë koncertin pasi u arrestua në Amsterdam me dyshimin për posedim të dyshuar të drogës.

Minaj fillimisht u kërkoi falje fansave në një seri postimesh të shpërndara përmes X/Twitter të shtunën.

“Faleminderit të gjithëve që u lutën për mua sot. Qofshi të bekuar ”, shpjegoi Minaj në një deklaratë të gjatë në lidhje me arrestimin, duke vënë në dukje se ajo ka “aq shumë prova video” ndërsa filmoi përvojën e saj në kohë reale.

“Unë do t’i lë avokatët të bëjnë punën e tyre. Ju lutem, ju lutem, ju lutem, pranoni faljen time më të thellë dhe më të sinqertë. Ata padyshim e dinin saktësisht se si të më lëndonin sot, por edhe kjo do të kalojë”, tha ajo gjatë videos.

Në një moment, ajo ndau edhe emrin e hotelit të saj në Mançester dhe ftoi fansat e saj të vijnë ta shohin.

Siç u raportua më parë, Minaj transmetoi drejtpërdrejt në Instagramin e saj incidentin në të cilin policia e Amsterdamit e arrestoi për ” trafik droge ” të dyshuar, vetëm disa orë para fillimit të shfaqjes së saj të radhës.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: