Kryetarja e Kuvendit Lindita Nikolla, merr pjesë në Konferencën e kryetarëve të parlamenteve të vendeve anëtare të Këshillit të Evropës, e cila zhvillohet në Athinë, në datat 21 dhe 22 tetor.
Konferenca do të trajtojë tema të rëndësishme për zhvillimin dhe të ardhmen e Evropës dhe më gjerë: mbijetesa e demokracisë përballë pandemisë së Covid-19, kontributi i parlamenteve për zhvillimin e qëndrueshëm dhe e ardhmja e përbashkët e qytetarëve evropianë.
Gjatë ditëve të Konferencës, znj. Lindita Nikolla, do të zhvillojë edhe disa takime dypalëshe me kryeparlamentarë pjesëmarrës në këtë veprimtari të rëndësishme.