Në prag të nisjes së sesionit të ri parlamentar, Zëvendës Shefja e Misionit në detyrë e Ambasadës amerikane Kathryn Hammond, ka zhvilluar takime me krerët e dy grupeve parlamentare kryesore.

Në orën 12:00 diplomatja amerikane është takuar në Kryesinë e Kuvendit me kreun e grupit të PS Taulant Balla.

Më pas rreth orës 14:00 Zëvendës Shefja e Misionit u takua me kryetarin e grupit të Partisë Demokratike Gazment Bardhi.

Këto takime zhvillohen teksa mbeten pak ditë nga nisja zyrtarisht e punimeve të Parlamentit të Shqipërisë.

Klima politike është tejet e tensionuar, si pasojë e mungesës së mbledhjes së Këshillit të Rregullores, Mandateve dhe Imunitetit, që duhet të shqyrtojë kërkesën e SPAK për dhënien e autorizimit për arrestimin e Zv/kryeministres Belinda Balluku.