Një person vdiq, dhjetëra u plagosën dhe dy u zhdukën të martën pasi tornadot shpërthyen në disa pjesë të shteteve jug-qendrore të SHBA-së, thanë zyrtarët.

Në Luiziana, një djalë i ri u gjet i vdekur në një zonë të pyllëzuar, ku shtëpia e tij u shkatërrua. Përpjekjet e kërkimit për nënën e tij po vazhdojnë.

Një grua dhe një burrë u shtruan në spital me lëndime, ndërsa dy persona rezultojnë të zhdukur, thuhet në njoftim. “Disa struktura u dëmtuan. Linjat elektrike dhe pemët u rrëzuan gjithashtu.”

Rreth 20 persona u plagosën në Farmerville, Luiziana, një qytet rreth 30 milje (48 km) në veriperëndim të Monroe, ku pati raportime të shumta për dëme.

Në Grapevine të Teksasit verior, një qytet me rreth 50,000 banorë, një tornado plagosi pesë persona të  mitur, dhe dëmtoi biznese, duke përfshirë një qendër tregtare dhe një pikë karburanti.

Dy persona të tjerë u plagosën kur era përmbysi automjetin e tyre në kontenë Wise të Teksasit, tha zyra e menaxhimit të emergjencave të qarkut.

Më shumë se 100 fluturime brenda dhe jashtë aeroporteve të zonës Dallas-Fort Worth u anuluan dhe mbi 1,000 u vonuan.

Që nga e marta pasdite, pesë tornado janë konfirmuar në Teksasin verior, sipas Shërbimit Kombëtar të Motit.

Reshje shiu pati në pjesë të Arkansas, Luiziana dhe Mississippi, me 2 deri në 4 inç (5.08 deri në 10.16 cm), tha Qendra e Parashikimit të Motit.

Kërcënimi i rëndë i motit do të vazhdojë edhe sot, ndërsa jugu i Shteteve të Bashkuara po përgatitet për shira të dendur dhe shtetet veriore përballen me kushte stuhie, duke penguar udhëtimin dhe duke sjellë ndërprerjet e energjisë, sipas shërbimit të motit.