Kreu i PD Sali Berisha ka akuzuar kryeministrin Rama për korrupsion. Në takimin e zhvilluar me aleatë të Federatës së opozitës së Bashkuar, Berisha tha se Shqipëria është një njollë e zezë në hartë e Europës.
“Sot Shqipëria është një njollë e zezë në hartën e Europës. Pas raportit të fundit të OSBE/ODHR, tregon që është një regjim që shtyp pluralizmin. Në dallim nga autokracitë tjera elektorale, kjo e Shqipërisë është siameze me diktaturën e Rama Durës së Venezulesës”, tha Berisha.
Gjithashtu Berisha u ndal edhe tek kriminaliteti në vend, duke thënë se Kartelat shqiptare përcaktojnë edhe rezultate elektorale në Amerikën Latine.
“De facto droga është vendimmarrësi kryesor i vendit dhe kartelet e tij. Kartelat shqiptare përcaktojnë edhe rezultate elektorale në Amerikën Latine. Shqipëria është eksportuesi numër 1 i kanabisit në Europë. Por tani janë përcaktues të tregut në Amerikën Latinë. Sipas burimeve të disa shërbimeve përfitues është vetë Edi Rama, është Rama Duro.”, tha ai.
Pjesë nga fjala e Berishës;
Një familje, mbështetës të opozitës, tradicional, më tha “natën e zgjedhjeve trokiti në derë një person, la një zarf dhe iku. Aty shkruhej mos shko nesër në zgjedhje. Dhe ishin 1 mijë euro”. Gjithë natën u rropata “të shkoj apo jo”, por nga ana tjetër edhe kërcënimi isht brenda. Sepse lekët mi la dhe pasoja mund të ketë nëse shkoja…Si përfundim nuk shkova. Ky ishte mesazhi i një njeriu të ndershëm. Kjo është më minimalja sepse kërcënimet tjera janë më mizore”, tha ai.
Më konkretisht, nga viti 1991 gjer sot, Shqipëria ka pasur sisteme të ndryshme për zgjedhjen e deputetëve nga mazhoritar tek proporcional dhe pseudomazhoritar. Së fundmi rajonal.
Natyrisht nuk mund të them se PD nuk ka pasur rolin kryesor në këto përcaktime së bashku me PS që kanë qenë dy forcat politike kryesore.
Por në këtë situatë, unë dua t’u garantoj për vullnetin e plotë të PD, të përcaktojmë së bashku atë sistem që ne si forca politike opozitare e konsiderojmë më të dobishmin.
Pra, pa asnjë lloj pretendimi që ne do të qëndrojmë në përzgjedhjen tonë pa mirëkuptimin dhe ujdinë me ju.
Le të bëjmë ne këtu një përzgjedhje të përbashkët.
Ne kemi përfaqësuesit tanë në komisionin e reformës elektorale, të cilët do jenë avoketërit e propozimeve tona, të ujdisura, të rëna dakord që ne mendojmë se është sistemi më i përshtatshëm për zgjedhjet në Shqipëri.
Duke mos harruar kurrë një gjë, se me Edi Ramën zgjedhje nuk ka.
Të gjitha ata që mendojnë ndryshe, ose kanë mungesë të kulturës elektorale ligjore, se nuk është mëkat të mos e kesh, ose pastaj janë me dashje ose pa dashje avoketër të një farsë që realizon Edi Rama.
Ju i dëgjoni sot se si akuzojnë popullin, si akuzojnë partitë. Nuk e ka fajin Edi Rama dhe regjimi, po e ka fajin opozita që nuk i frymëzon njerëzit si në Rumani dhe në Bullgari.
Më duhet t’u them këtyre altoparlantëve të Edi Ramës, ose kriptoramistëve, se Rumania dhe Bullgaria janë vende të lira, se në Rumani dhe Bullgari nuk humbasin vendet e punës njerëzit nëse kanë bindje të ndryshme.
Se Rumania dhe Bullgaria ka pasur raste që në një vit kanë zhvilluar dy ose tre palë zgjedhje dhe kanë ndryshuar qeverinë.
Kurse ky pasardhësi i Kristaq Ramës nuk e lëshon pushtetin.
Shikoni se çfarë bën. Është kapur në flagrancë hajdut me tunelin e Llogarasë, ka marrë zëvendëskryeministren në Ankara, kanë bërë pazarin me 50 milionë euro si fillim dhe tani mashtron siç është paturpësisht se nuk ka ndodhur në botë të pezullohet ministri.
Hajduti pezullohet dhe arrestohet kudo në botë.
Hajduti i certifikuar pezullohet dhe arrestohet, burgoset kudo në botë.
Qoftë ai ministër, qoftë kryeministër, qoftë president.
Kjo është e vërteta dhe ky do të na mbushë mendjen ne se cenohet Kushtetuta.
Njeriu që u garantoj unë ju, se ato 50 milionë, janë ndoshta një e 50-ta e atyre që ka vjedhur ajo. Dhe që i ka shpërdoruar me Edi Ramën të gjitha.
Se ajo ka qenë këmisha e Edi Ramës në kuptimin figurativ.
Se ai ua thoshte vetë atyre të tjerëve se vetëm kjo më kryen punë mua. Se kjo ia zbatonte të gjitha.
Dhe tani ushtron terror mbi Gjykatën Kushtetuese që ta mbrojë me çdo kusht.
