Ukraina ka paralajmëruar se Rusia mund të përgatitet për sulme të reja pasi dyfishoi numrin e anijeve në detyrë aktive në Detin e Zi sot.

Marina ruse ka lëshuar rregullisht raketa nga flota e saj e Detit të Zi, si pjesë e një përpjekjeje të Moskës për të synuar infrastrukturën kritike dhe objektet e prodhimit të energjisë në Ukrainë.

“Në Detin e Zi, flota e anijeve luftarake është dyfishuar në krahasim me mëngjesin e sotëm, tani janë tetë anije”, tha ushtria ukrainase.

“Në sfondin e aktivitetit të aviacionit armik të një lloji të caktuar, kjo mund të tregojë se një sulm me raketa si dhe sulme me dron janë në përgatitje”.

Një nga anijet është një fregatë e armatosur me tetë raketa Kalibr, tha ajo.
Të shtunën e kaluar, Ukraina tha se Rusia lëshoi katër raketa Kalibr nga Deti i Zi, dy prej të cilave u rrëzuan.

Flota ruse e Detit të Zi është e vendosur në gadishullin e Krimesë, të cilin Moska e aneksoi në 2014.