E ftuar në emisionin “Big Brother Radio” ka qenë Julia Ilirjani, ish-banorja e këtij edicioni të tretë të “Big Brother VIP Albania”, për të bërë një analizë të lojës së banorëve dhe për të dhënë mendimin e saj për videot më të spikatura gjatë 24 orëve të fundit në shtëpinë e BBV.

Çfarë mendon ajo për Eglën si lojtare?

Nëse ajo ka dalë me zarf të zi, nuk është më lojtare.

Po për faktin se ajo doli si e preferuara e publikut gjatë një televotimi të hapur?

Po e votuan, por nuk do të thotë se është e preferuar. Duan të shohin rrëmuja. Se nuk po e zgjedhin për fituese. Po e zgjedhin për të parë çudira.

E pyetur nga Eni Shehu se mbase çmimi i madh mund të shkojë për një çudi si Egla, ajo u shpreh: Epo mirë pra. Në qoftë se po këmbëngulni kaq shumë dhe po pyesni për njeriun me zarf të zi po ju them që në qoftë se Egla fiton edicionin e Big Brother VIP 3, atëherë populli shqiptar me fatkeqësi dhe me dhimbje meritonka të gjitha vuajtjet që ka se i dashka.

Si e komenton ajo zgjedhjen e Eglës për të nxjerrë në televotimin Heidin dhe Romeon, ku njëri prej tyre do të zgjidhej finalisti i parë?

Ajo ka bërë llogarinë e saj njëherë meqënëse flitet se është viti i një gruaje. Pastaj në qoftë se është viti prapë i një burri, atëherë për Eglën është më me interes të fitojë Romeo, sepse me vëllezërit ka punuar dhe ka interesa pune. Kaq. Edhe del mirë nga të gjitha anët.

Kush e fiton BBV sipas saj?

Nuk e di, por më vjen keq që nuk më duket viti i një gruaje akoma. Domethënë të paktën këto të dyja që e pretendojnë fort. Roza, Françeska do më pëlqenin të ishin këto të dyja në finale me të thënë të vërtetën në vend të dy pretendenteve (Eglës dhe Heidit).