Numri i efektivëve në protestën e opozitës, sipas analistit Edvin Kulluri ka qenë shumë i lartë, në krahasim me pjesëmarrjen e protestuesve.

Gjatë një intervistë në emision “Studio24”, Kulliri u shpreh se prezenca e policisë ishte e tepruar sepse sipas tij 1300 policë në një protestë të tillë e bën situatën qesharake. Sipas tij mënyra se si është menaxhuar situata është një lojë politike e kryeministrit Edi Rama dhe Ministrit të Brendshëm.

“Prezenca e policisë është e tepruar…Për 21 janarin kam qenë i përfshirë sepse kam qenë në dijeni për situatën. Unë e kuptoj që në një protestë si 21 janari që pjesëmarrja ishte shumë më e lartë. Të nxjerrësh 1500 polici për 2 mijë protestues është qesharake. Kjo nuk ishte protesta e parë, por e pesta. Pra 1300 forca policore janë të tepërta. Më shumë është lojë politike e kryeministrit dhe ministrit të Brendshëm. Po të shohim se edhe grupi që shkon te Vila janë shumë pak…Pra më shumë duket një teatër artificial”, tha mes të tjerash ai.