Autoritetet kineze kanë konfirmuar se numri i të vdekurve nga një ortek në rajonin jugor të Tibetit të Kinës u rrit në 28 pasi tetë trupa të tjerë u gjetën në vend, sipas mediave lokale.

Një ortek vdekjeprurës goditi qytetin Nyingchi në Rajonin Autonom të Tibetit të Kinës jugperëndimore të martën.

Operacioni i kërkim-shpëtimit është pothuajse i përfunduar, citoi e përditshmja kineze Global Times.

Të martën, byroja e sigurisë publike në qarkun Medog të Nyingchi tha se ata kishin marrë telefonata për një ortek në një dalje të tunelit Doxong La në autostradën që lidh Medog me fshatin Pai në qarkun Mainling të Nyingchi rreth orës 19:50 me orën lokale (1150 GMT ), duke bllokuar njerëz dhe automjete.

Autoritetet lokale dërguan menjëherë 131 personel dhe 28 automjete në vendngjarje gjatë natës për të shpëtuar viktimat.