Pas SHBA-ve dhe OSBE-ODHIR, vjen dhe reagimi nga Ambasada Britanike në Tiranë, pas deklaratës së kryetrari të PD-së, Lulzim Basha se ndërkombëtarët ndërhynë në procesin e Reformës Zgjedhore.
Ambasada Britanike në mesazhin e saj thekson se Ambasada britanike në Tiranë nuk kemi ndërmjetësuar ndonjë marrëveshje politike, ndërsa shton se do të vazhdojnë që të nxisin dialogun reciprokisht respektues dhe kontruktiv në mirëbesim mes atyre që dëshirojnë ta përfaqësojnë popullin shqiptar. “Ne në bashkëpunim me aleatët strategjikë të Shqipërisë, PD, ia ka dalë të bindë palën tjetër (PS) për nisjen e punës për reformën zgjedhore”, -tha dje në një dalje për mediat, Lulzim Basha.
“🇦🇱 l Ambasada britanike në Tiranë ka mbështetur gjithmonë aspiratat shqiptare për një parlament dhe demokraci funksionale. Kjo kërkon struktura që u mundësojnë qytetarëve dhe përfaqësuesve të tyre të zgjedhur të hartojnë ligje, ta detyrojnë qeverinë të japë llogari dhe të debatojnë mbi çështje të rëndësishme, për të pasqyruar interesat e qytetarëve. Kjo përfshin zbatimin e plotë të rekomandimeve të OSBE/ODIHR për zgjedhjet.
Ne mirëpritën thirrjen e Shkëlqesisë së tij, Presidentit, ditën e djeshme për një parlament aktiv, i cili e mban përgjegjës ekzekutivin përmes kërkesës së vazhdueshme për transparencë dhe llogaridhënie dhe për ta zëvendësuar konfliktin politik me bashkëpunim konstruktiv. Ne u bëjmë thirrje të gjithë politikanëve ta dëgjojnë këtë mesazh.
Ndërsa nuk kemi ndërmjetësuar ndonjë marrëveshje politike, ne vazhdojmë të nxisim dialogun reciprokisht respektues dhe kontruktiv në mirëbesim mes atyre që dëshirojnë ta përfaqësojnë popullin shqiptar. Kjo është në interesin kombëtar dhe gjithashtu vendimtare për besimin e partnerëve ndërkombëtarë dhe investimeve të huaja, për të ndërtuar një të ardhme më të mirë për të gjithë shqiptarët.”, thuhet në reagimin e ambasadës.
(BalkanWeb)
