Amerikanët do të jenë më pak të sigurt dhe të shëndetshëm pas vendimit të Trump për emetimet, thotë Obama
Barack Obama është ankuar se amerikanët do të jenë “më pak të sigurt dhe më pak të shëndetshëm” me vendimin e Donald Trump për të shfuqizuar një ligj që shërben si bazë për luftimin e emetimeve të gazrave serrë në SHBA.
“Pa këtë, ne do të jemi më pak të sigurt, më pak të shëndetshëm dhe më pak të aftë për të luftuar ndryshimet klimatike, të gjitha në mënyrë që industria e karburanteve fosile të mund të fitojë edhe më shumë para”, u ankua në një postim në platformën X ish-presidenti demokrat, nën udhëheqjen e të cilit ligji u miratua në vitin 2009 nga Agjencia për Mbrojtjen e Mjedisit (EPA).
Donald Trump njoftoi më herët sot se Shtetet e Bashkuara do të eliminojnë standardet federale për emetimet e gazrave serrë nga makinat, një rezultat i drejtpërdrejtë i shfuqizimit të një ligji të vitit 2009 që shërbeu si bazë për shumë rregullore mjedisore.
Në këtë mënyrë, përmbyset përfundimi se emetimet e këtyre gazrave përbëjnë një rrezik për shëndetin e njeriut.
Vendimi “do t’u kursejë konsumatorëve amerikanë dhjetëra miliarda dollarë” duke ulur koston e makinave, tha nga Shtëpia e Bardhë presidenti amerikan, një skeptik i vetëshpallur ndaj ndryshimeve klimatike.
