Lëvizja islamiste palestineze Hamas është konsideruar fajtore për kryerjen e krimeve të dhunës seksuale gjatë sulmeve të 7 tetorit 2023 ndaj Izraelit. Ky është konkluzioni i Raportit Vjetor të Sekretarit të Përgjithshëm të Kombeve të Bashkuara mbi Dhunën Seksuale në Konfliktet e Armatosura.
Dokumenti i OKB-së thotë se në maj 2024, Prokurori i Gjykatës Ndërkombëtare Penale paraqiti kërkesa për urdhër-arreste për tre komandantë politikë dhe ushtarakë të Hamasit, duke përmendur arsye të konsiderueshme për të besuar se ata mbajnë përgjegjësi penale për krime lufte dhe krime kundër njerëzimit, duke përfshirë përdhunimin dhe forma të tjera të dhunës seksuale, të kryera në territorin e Izraelit dhe Shtetit të Palestinës të paktën nga 7 tetori 2023.
Për më tepër, raporti i OKB-së gjen “prova të konsiderueshme për të besuar se disa pengje të marra në Rripin e Gazës iu nënshtruan formave të ndryshme të dhunës seksuale gjatë robërisë së tyre”.
Për më tepër, vazhdon dokumenti, janë mbledhur informacione të qarta dhe bindëse se dhuna seksuale ndodhi edhe gjatë sulmeve të 7 tetorit 2023 në të paktën gjashtë vende në vendbanimet izraelite.
(BalkanWeb)
