Kancelari gjerman Olaf Scholz ka vlerësuar përpjekjet reformuese të Malit të Zi në rrugën e tij drejt anëtarësimit në Bashkimin Evropian gjatë një takimi me kryeministrin e shtetit ballkanik, Milojko Spajiç.
Scholz foli për “përparim të madh” në përmbushjen e kërkesave për pranim gjatë takimit në Berlin të hënën.
“Jam i impresionuar nga ambicia, nga shpejtësia dhe e konsideroj këtë si një ambicie realiste”, tha Scholz.
Përpjekjet për reforma janë baza që pranimi të përfundojë shpejt, shtoi ai. “Sepse është e orientuar ekskluzivisht drejt meritave të veta”.
Mali i Zi aplikoi për t’u anëtarësuar në BE 16 vjet më parë dhe negociatat filluan në fund të 2012.
Përveç vendit me pak më shumë se 600,000 banorë, pesë shtete të tjera të Ballkanit Perëndimor po ashtu aplikojnë për t’u anëtarësuar: Shqipëria, Bosnje-Hercegovina, Kosova, Maqedonia e Veriut dhe Serbia.
(A.A/BalkanWeb)
