Ish-kampioni paraolimpik Oscar Pistorius, u lirua me kusht pothuajse 11 vjet pas vrasjes së partneres së tij Reeva Steenkamp. 37-vjeçari do të jetë në arrest shtëpie dhe nuk do të lejohet të flasë me mediat dhe të pijë alkool. Pistorius qëlloi Reeva Steenkamp shumë herë në 2013, duke pretenduar se ajo ishte një hajdut. Ai u dënua përfundimisht për vrasje në vitin 2015 dhe do të vazhdojë të jetojë në kushte të rrepta deri në skadimin e dënimit të tij në vitin 2029, pasi sipas ligjit të Afrikës së Jugut të gjithë shkelësit kanë të drejtë të lirohen me kusht pasi kanë kryer gjysmën e dënimit të tyre, i cili për Pistorius u caktua përfundimisht në 13 vjet e pesë muaj në 2017.
Nëna e Reeva Steenkamp, June Steenkamp, tha për BBC: “Ne e kemi ditur gjithmonë se lirimi me kusht është pjesë e sistemit ligjor të Afrikës së Jugut. Nuk mund të ketë kurrë drejtësi nëse i dashuri juaj nuk kthehet më,” tha nëna e Riva Steenkamp”. Ne, që kemi mbetur pas, jemi ata që vuajnë dënime të përjetshme. Dëshira ime e vetme është që të më lejohet të jetoj në paqe vitet e mia të fundit dhe të qëndroj në Fondacionin Rebecca Steenkamp, për të vazhduar trashëgiminë e Reeva”, tha nëna e saj.
Kush ishte Riva Steenkamp?
Reeva Steenkamp, e cila ishte 29 vjeçe kur u vra nga Pistorius, ishte një e diplomuar në drejtësi dhe modele, e cila gjithashtu punoi si prezantuese televizive. Madje, ajo ishte shfaqur edhe në reality show “Tropika Island of Treasure”. Planet e saj ishin të hapte një firmë ligjore për të ndihmuar gratë e dhunuara, pas diplomimit të saj. Vajza kishte qenë në një lidhje me Pistorius për tre muaj kur e qëlloi katër herë në shtëpinë e tij në orët e para të 14 shkurtit 2013 dhe ajo vdiq pothuajse menjëherë.
