Detaje të reja janë zbuluar nga arratisja e Altin Ndocit ditën e sotme nga spitali rajonal i Durrësit.

Mësohet se pas largimit të tij një prej policëve të burgjeve e ka ndjekur Ndocin, duke qëlluar edhe një herë në ajër.

Megjithatë i paraburgosuri ka arritur të largohet, ndërsa besohet se ai është pritur nga një automjet “Audi”, me të cilin më pas është larguar drejt zonës së Spitallës.

Polici i burgjeve me armë në dorë pas arratisjes së Altin Ndocit

Kush është Altin Ndoci? 

Altin Ndoci konsiderohet person me rrezikshmëri të lartë shoqërore.

I riu me origjinë nga Puka dhe banim në Tiranë, është arrestuar nga SPAK në Tiranë 6 vite më parë gjatë operacionit “Plumbi i Artë” dhe akuzohet vrasje me pagesë. Ai akuzohej në këtë të këtij procesi për vrasjen e Andi Zylyfit dhe plagosjen e Ardit Uruçit, ngjarje ne të cilën e implikoi vrasësi me pagesë Nuredin Dumani që mban statusin e të penduarit të drejtësisë.

Për të kryer këtë vrasje ai ishte rekrutuar nga Talo Çela, dikur mik e më pas armik me Nuredin Dumanin.

Pas përplasjes së dy miqve, Dumani veproi për llogari të Erion Alibejt, kundërshtar me Çopjat, ndërsa Talo Çela për llogari të Franc e Hajdar Çopjas.

Nga hetimet e SPAK rezulton se Ndoci kishte vepruar si vrasës për llogari të organizatës Çopja.