GJIROKASTER- Nuk i ka shkaktuar tërmeti. Pamjet e frikshme që shihni në videon e siguruar për “BalkanWeb” nga gazetarja Brikena Metaj janë regjistruar në një kodër, në lagjen “Punëtore” në qytetin e Gjirokastrës.
Ndonëse banorët e Gjirokastrës kanë ndjerë tronditje të forta si të ishin shkaktuar nga ndonjë tërmet, zanafilla e problemit qëndron diku tjetër.
Ata thonë se rrëshqitjet e tokës kanë nisur pikërisht pasi në kodër, aty ku është edhe pallati i tyre, po ndërtohet një tjetër ndërtesë, nga e cila rrezikon të shembet i gjithë pallati.
Sakaq, drejtori i Gjeologjisë, Cano Nora, i pyetur nga “BalkanWeb” në lidhje me problemin në fjalë thotë se “Rrëshqitja është në aktivitet. Faktori njerëzor dhe natyror kanë favorizuar rrëshqitjen dhe ekuilibrin e shpatit malor. Nevojitet ngritja e nje muri mbrojtës”,- thotë ai.
(m.a/BalkanWeb)
