TIRANE- Shirat e dendura të një nate më parë kanë shkaktuar dëme në kryeqytet. Përveç përmbytjeve në autostradë raportohet për rrëshqitje dherash. Po ashtu pemët janë rrëzuar, e kanë bllokuar rrugët.
Sakaq, përmes një mesazhi në Twitter, Kryetari i Bashkisë së Tiranës, Erion Veliaj thotë se falë investimeve afatgjata të Bashkisë së Tiranës, situata në dy lumenjtë që përshkrojnë Tiranën kësaj here kanë qenë e normalizuar dhe nuk ka sjellë problematikë për banorët.
“Lumi i rehabilituar i Tiranës & Lana e pastruar gjatë verës e kaluan provën, por duhet ende kujdes! Disa fshatra në Pezë janë të pakalueshme, ndaj le të shmangim udhë aty. Po ndërhyjmë në çdo lagje për pemët e rëna e mbetjet nga stuhia. Flm kolegëve, heronj”, shkruan Veliaj.
(BalkanWeb)
