Koreja e Veriut ka shfaqur dhjetëra raketa balistike ndërkontinentale në një paradë ushtarake, duke e përshkruar si “aftësi e sulmit bërthamor” të Penianit.
Raketat u parakaluan nëpër sheshin Kim Il Sung të Phenianit, ku qëndronte si spektator lideri Kim Jong Un, i shoqëruar nga gruaja dhe vajza e tij.
Kjo paradë u zhvillua në kuadër të përvjetorit të themelimit të ushtrisë së Koresë së Veriut, e cila vjen në më pak se dy muaj pasi Kim bëri thirrje për një “rritje eksponenciale” të arsenalit bërthamor dhe një përgjigje ndaj Koresë së Jugut dhe SHBA-vë.
Vitin që lamë pas, Koreja e Veriut testoi më shumë raketa se në çdo kohë në historinë e saj, duke përfshirë një raketë balistike ndërkontinentale që teorikisht mund të godiste territorin e SHBA-së.
Shfaqja është quajtur e paprecedentë, pasi tregon se Kim po zbaton premtimin e tij për të pajisur vendin me një arsenal bërthamor që mund të kërcënojë SHBA-në dhe botën.
(BalkanWeb)
