Shërbimi Meteorologjik Ushtarak njoftoi se ditën e martë do të ndikohet nga kushte atmosferike relativisht të paqëndrueshme.

Moti parashikohet me kthjellime dhe alternime vranësirash mesatare deri të dendura.

Reshjet e shiut parashikohen me intensitet të ulët në qendër dhe jug, ndërsa lokalisht shtrëngata afatshkurtra të izoluara në relievet malore.

Në majat e maleve reshje bore të dobëta, në formën e flokëve të borës.

Era do të fryjë me drejtim kryesor verilindje-veriperëndim me shpejtësi mesatare 6 m/s, përgjatë vijës bregdetare, në lugina dhe male era hera-herës me shpejtësi deri në 15 m/s, shoqëruar me valëzimin në dete 2-3 ballë.