BERAT
Ka përfunduar procesi i numërimit të votave në selinë e PD-së për Beratin. Selia blu ka zgjedhur për një mandat të dytë, Gazmend Azizin, i cili fitoi garën brenda kampit ndaj Shkëlqim Hysit. Azizi mori 172 vota kurse rivali i tij Shkëlqim Hysi, vetëm 108 vota.
Partia Demokratike vijon procesin e zgjedhjeve brenda saj duke shtruar trasenë për zgjedhjet lokale të vitit 2019, të cilat janë dekretuar nga Presidenti i Republikës, Ilir Meta me datë 30 qershor.
Partia më e madhe opozitare ka përfunduar këtë proces edhe në disa qytete të tjera të Shqipërisë, veprim të cilin po e përdor si model për të transformuar në kohë Partinë Demokratike për testin e zgjedhjeve lokale.
(n.m/BalkanWeb)