Kryeministri izraelit Benjamin Netanyahu ka urdhëruar një rishikim të plotë të masave të sigurisë për fluturimet civile të huaja drejt Izraelit.

Sipas zyrës së kryeministrit, Netanyahu i ka kërkuar shefit të Këshillit të Sigurisë Kombëtare, Shmuel Ben Ezra, të caktojë një inspektor që do të shqyrtojë “të gjitha aspektet” e procedurave të sigurisë të zbatuara për këto fluturime.

Vendimi vjen pas tentativës për sulm terrorist ndaj fluturimit 1073 të kompanisë Flydubai, ngjarje që ka shtuar shqyrtimin mbi mënyrën se si autoritetet izraelite monitorojnë dhe mbrojnë linjat ajrore të huaja.

Ndërkohë, sipas raportimeve të mediave izraelite, kanë dalë informacione se zyrtarë të lartë kishin paralajmëruar prej vitesh se kontrollet e sigurisë nga Ministria e Transportit në fluturimet e huaja nuk po kryheshin në mënyrën e duhur.

Rishikimi i urdhëruar nga Netanyahu pritet të vlerësojë procedurat ekzistuese dhe mënyrën e zbatimit të tyre, ndërsa autoritetet synojnë të identifikojnë çdo mangësi të mundshme në sistemin e sigurisë.