Ambasada e SHBA-së në Maqedoninë e Veriut, ka ndarë mesazhin e ambasadores Angela Ageler, ndërsa shprehet se SHBA do të qëndrojë gjithmonë në krah të Maqedonisë së Veriut.

Në mesazhin e saj Ageler nënvizon se SHBA-të kanë pasur një besim të fortë në guximin e popullit të Maqedonisë së Veriut, dhe se kjo është konfirmuar shumë herë.

‘Viti 2025 shënoi 30-vjetorin e marrëdhënieve dypalëshe SHBA-Maqedoni, megjithëse partneriteti ynë daton më tej. Për më shumë se tre dekada, i kemi treguar botës së bashku – se çfarë mund të arrijë forca, kompromisi dhe vendosmëria e duruar. Dhe gjatë tre viteve të fundit, ne kemi treguar rezultatet shumë reale dhe të prekshme të asaj se si duken miqësia e vërtetë dhe partneriteti konstruktiv”, thotë Ageler.