Vërshimi i ujërave si pasojë e reshjeve të dendura të shiut ka shkaktuar problematika edhe në qytetin e Vorës. Në bllokun e pallateve dykatëshe në rrugën “Unaza” vërehet prani uji në hyrje të godinave, por pa depërtuar në apartamente.

Po në këtë rrugë niveli i uji arriti deri në lartësinë e bordurës së trotuarit, duke depërtuar në ambientet e brendshme të një biznesi lavanderi dhe të një agjencie shërbimesh. Për rrjedhojë, një automjet zjarrfikës vijon tërheqjen e ujit, ndërsa intensiteti i reshjeve ka rënë.

Nga ana tjetër, qarkullimi në autostradën Tiranë-Durrës dhe Vorë-Tiranë vijon pa problematika.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb