Kryetari i Partisë Mundësia, Agron Shehaj e quajti historik vendimin e Gjykatës Kushtetuese në favor të pezullimit të Belinda Ballukut.

Shehaj thekson se tani e ka radhën kryeministri Rama.

“Sepse çdo njeri në Shqipëri e di që në krye të korrupsionit është Edi Rama dhe vetëm me nxjerrjen para drejtësisë të Kryeministrit Edi Rama mund të themi që ka ardhur fundi i pandëshkueshmërisë edhe në Shqipëri” – thekson Shehaj.

Reagimi i plotë i Agron Shehaj:

Më në fund Gjykata Kushtetuese vendosi pezullimin përfundimtar të Belinda Ballukut. Nga sot Belinda Balluku nuk shkon dot më në zyrë, nuk firmos dot më, nuk vjedh dot më qytetarët shqiptarë.

Mund të themi që ky është fundi i pandëshkueshmërisë në Shqipëri? Jo.

Tani e ka radhën Edi Rama.

Sepse çdo njeri në Shqipëri e di që në krye të korrupsionit është Edi Rama dhe vetëm me nxjerrjen para drejtësisë të Kryeministrit Edi Rama mund të themi që ka ardhur fundi i pandëshkueshmërisë edhe në Shqipëri.