Koreja  e Veriut  e quajti të hënën Presidentin e Koresë së Jugut, Lee Jae-myung, një “hipokrit” për shkak të komenteve të tij mbi denuklearizimin e gadishullit Korean gjatë një vizite në Uashington. 

Lee tha të hënën se aleanca e Seulit me Uashingtonin do të “forcohej” nëse do të gjendej një “rrugë drejt denuklearizimit, paqes dhe bashkëjetesës në gadishullin Korean”.

Që kur mori detyrën në qershor, presidenti i Koresë së Jugut ka thënë se po kërkon mënyra për të përmirësuar marrëdhëniet me Veriun e armatosur me armë bërthamore. 

Por deklaratat e tij të fundit nga presidenti i Koresë së Jugut, i cili “pretendohet se dëshiron të rivendosë marrëdhëniet”, kanë zbuluar natyrën e tij “të vërtetë”, “obsesionin” e tij me “konfrontimin” dhe sa “hipokrit” është, sipas një komenti nga stafi editorial i agjencisë zyrtare të lajmeve KCNA të Koresë së Veriut . 

“Referenca e Lee-së për ‘ denuklearizimin ‘ nuk është gjë tjetër veçse një ëndërr naive, si dikush që përpiqet të kapë një re që fluturon në qiell”, shtoi agjencia.

Pas dështimit të samitit të vitit 2019 me Shtetet e Bashkuara, Koreja e Veriut ka thënë se “kurrë” nuk do të heqë dorë nga arsenali i saj bërthamor dhe e quan veten një fuqi bërthamore “e pakthyeshme”. 

Gjatë takimit të tij me Donald Trump në Shtëpinë e Bardhë të martën, zoti Lee i kërkoi presidentit amerikan, i cili shpesh mburret për marrëdhënien e tij të mirë personale me udhëheqësin e Koresë së Veriut Kim Jong Un të marrë iniciativën për të sjellë paqe midis Seulit dhe Phenianit. 

Manjati, i cili u takua me udhëheqësin e Koresë së Veriut Kim tre herë gjatë mandatit të tij të parë, tha nga ana e tij se shpreson ta takojë atë përsëri, ndoshta këtë vit.

Teknikisht, Koreja e Veriut dhe ajo e Jugut mbeten në luftë, pasi Lufta Koreane (1950-53) përfundoi me një armëpushim të thjeshtë, pa asnjë traktat paqeje të nënshkruar ndonjëherë.

(BalkanWeb)