Përpara ndeshjes Elche–Real Madrid, e cila përfundoi 3-2 për madrilenët, Mbappé, Vinicius dhe Konaté u bënë protagonistë të një episodi që shkaktoi polemika të shumta në Spanjë.

Në momentin e hyrjes në fushë, të dyja skuadrat mbanin veshur një fanellë me një mesazh mbështetjeje për Ceutën, enklavën spanjolle të vendosur në kontinentin afrikan, e cila u përball me një krizë migratore në fund të korrikut.

Megjithatë, dy yjet e Real Madridit, Mbappé dhe Vinicius, e ngritën fanellën deri në nivelin e gjoksit, duke mbuluar mbishkrimin “Todos somos caballas” (“Të gjithë jemi banorë të Ceutës”), ndërsa qendërmbrojtësi francez Konaté e mbajti fanellën në dorë.

Ky veprim nuk kaloi pa u vënë re dhe shkaktoi kritika ndaj të tre futbollistëve në Spanjë.