Shtabi i Përgjithshëm i Forcave të Armatosura Polake ka njoftuar se do t’u japë grada qenve të shërbimit ushtarak.

Ushtarët polakë, duke njohur rolet që luajnë qentë në operacionet luftarake, kanë propozuar që kafshëve t’u jepen grada ushtarake.

Si përgjigje, Shtabi i Përgjithshëm i Forcave të Armatosura Polake shkroi në platformën X se “ushtarët, në njohje të rolit të luajtur nga K9 në operacionet e ndërmarra nga Forcat e Armatosura Polake, kanë paraqitur propozimin që qenve t’u jepen grada ushtarake”.

”Shefi i Shtabit të Përgjithshëm të Forcave të Armatosura synon t’i përgjigjet pozitivisht kësaj kërkese duke vendosur së shpejti rregulloret përkatëse”, thuhet në njoftim.

Po planifikohen gradat nga ”ushtar” në ”rreshter”.

Të ashtuquajturit qentë e K9-s përdoren nga Forcat e Armatosura Polake për qëllime të tilla si kërkimi, gjurmimi, patrullimi dhe zbulimi i eksplozivëve.

Përveç kësaj, ata janë gjithashtu të trajnuar për të marrë pjesë në situata luftarake.

Të drejtën për t’u dhënë qenve gradë ushtarake do ta kenë komandantët e njësive në të cilat ata shërbejnë.